nigisamit anilluni nuunnermi nammineq iluarsaassinermik

Inigisamit anilluni nuunnermi nammineq iluarsaassinermik suliaqarnissamut ilitsersuut

Inigisarnit anillutit nuunnernut atatillugu ammineerlutit inissiami nalinginnaasumik iluarsaassinissaq qinersimagukku, matumani siunnersorneqarlutillu ilitsersorneqarputit. Pissutsit taakkua tassaapput, illit matuersaatit utertinnginneranni, aqutsisup inissiaq qimallugu nuunnermi misissortagai.

Iikkani qilaanilu qalipaaneq

Saliineq: Suut tamarmik qalipallugit suliarineqartussat, suliarineqarnissaat sioqqullugu asanneqassapput / peqqissaartumik salinneqassapput.

Qallersuineq: Qalipaalluni suliarinnilernissaq sioqqullugu nateq pisattallu peqqissaartumik qallersorneqassapput, –  tigummiviit assigiinngitsut aamma innaallagiamut ikkuffiit kiisalu allamik qalipaaserneqartussat / allatut qillissuseqartussat tungaannut qallersuisoqarluni / nipinneqqusersuisoqarluni.

Kitsiterineq aamma kannernik immiineq: Rawplugs assigiinngitsut piiarneqassapput, kikisserfiit aamma putuliat tamarmik kitsiterummik saattumik kitsiterneqassapput manissarneqassallutillu. Iikkat akornini aamma ikkat qilaallu fibergibsimik sanaajusut akornini katinnerit ersittunik qupinillit tamarmik qaqortumik qalipanneqarsinnaasumik tasisuaartumik immerneqassapput.

Qalipaalluni suliarinninneq: Suliarinninnerup naammassinerani qalipataq aalaakkaasuussaaq, qalleqqissaarsimalluni assigiiaarlunilu, qalipaassutit taniunneri ersissanatik, qattunertaqassanatik, kusernertaqassanatik, sinai issunerussanatik aammalu qalipaallussanatik.

Eqqiaaneq: Qalipaatit simerneri serpalinnerilu sumi tamarmiittut tamarmik peerneqassapput. Eqqiaanermut qaqorsaatit neriuisartut imaluunniit sakkut illutap ilaannik pineqartunik atortunilluunniit ajoqusiisinnaasut atorneqaqqusaanngillat.

OBS: Qalipaanermik suliaqarneq aamma /imaluunniit tamatuma kingorna eqqiaaneq naammaginanngitsumik suliarineqarsimappata, taakkua inissiaq qimallugu nuuttup akiligassaanik iluarsineqassapput.

Qalipaat tassaassaaq akuerisamik sanaajusoq, assersuutigalugu Flugger imaluunniit Sigma. Qalipaatit meqqeraat NCS aammalu uunga innersuussutaalluni Natural Color System.

Iikkat ilusilersukkanik tapet-illit:

Qalipaat: NCS S 0500 Qaqortoq.

Qillissuseq: Qillinngitsoq (10).

Qilaat:

Qalipaat: NCS S 0500 N Qaqortoq.

Qillissuseq: Qillinngitsoq (5).

Illup iluani qisuit – Igalaat aamma matut sinaat.

Qalipaat: RAL 9010 Qaqortoq

Qillissuseq: Qillingajattoq.

Init masattuleriviit (perusuersartarfik/uffarfik)

Qalipaatissaq ininut masattulerivinnut naatsorsuussaq atorneqassaaq. Qalipaatissanut pisiniarfimmi aperisinnaavutit

Qalipaataa: NCS S 0500 N Qaqortoq.

Fodpaneler og indvendige tilsætninger ved vinduer og yderdøre:

Qalipaat: NCS S 0500 N Qaqortoq.

Qillissuseq: Qillingajattoq (40).

Tunniussinnginnermi eqqiaaneq

Inissiaq eqqiareerlugu utertinneqassaaq, taamaattumillu matuersaatit tunniutinnginneranni taanna kingulliullugu suliarineqartussaavoq.

Eqqiaanermi ilaapput:

• Torersaaneq.
• Pujoralaajaaneq.
• Naternik asaaneq.
• Matut, igalaat matullu sinaasa, naqqup killigani listit il.il. allarterneqarneri.
• Pisattat – sikaaviit matui ilisiviillu allarterlugit.
• Igaffimmi eqqiaaneq – matut, amusartut ilisiviillu, nerriviup iikkamilu illersuutit eqqiarlugit allarterlugillu.
• Kissarsuut, silaannarissarfik aamma uutsivik, kiisalu nillataartitsivik eqqiarlugit.
• Perusuersartarfimmi uffarfimmilu eqqiaaneq.
• Igalaat ilui qillersarlugit.

Eqqiaanermi atortut aamma eqqiaanermut qaqorsaatit siunertanut immikkuullarissunut naleqquttut atornissaat isumagissavat. Assersuutigalugu uutsiviup aamma kissarsuutip qaavata eqqiarnissaannut.

Eqqiaanermut qaqorsaatit ilinnut (assanut, isinut il.il.) kiisalu inissiami pisattanut ajoqusiisinnaanngitsut atornissaat pingaaruteqarpoq.